«Turkish Airlines» awiakompaniýasy Stambul ― Türkmenbaşy ― Stambul aralygynda 24-nji oktýabrda ýene bir ýörite howa gatnawyny meýilleşdirýär.

Bu barada Atavatan Türkmenistan awiakompaniýanyň Aşgabatdaky şahamçasyna salgylanyp habar berdi.

Türkmenistan bilen Türkiýäniň arasyndaky yzygiderli howa gatnawlarynyň koronawirus pandemiýasy sebäpli 2020-nji ýylyň mart aýynda wagtlaýyn ýatyrylandygyny ýatladýarys.

«Turkish Airlines» Türkmenistandan mundan ozalky ýörite gatnawy 2021-nji ýylyň 3-nji oktýabrynda gurapdy.