Girmek
Türkmenistanyň wekiliýetiniň şu ýylyň güýzünde Moskwada geçiriljek ikinji Hazar ykdysady forumyna gatnaşmagyna garaşylýar.
«Tegelek stol» görnüşinde geçiriljek halkara forumda Hazarýaka ýurtlaryň ykdysadyýetini ösdürmek, howa, energiýa, döwletara ylmy-tehniki hyzmatdaşlygy we işewür gatnaşyklary ýola goýmak, şeýle-de döwrüň ýüze çykarýan derwaýys wakalaryna garşy bilelikde hereket etmek bilen bagly meseleleriň ara alnyp maslahatlaşylmagyna garaşylýar.
Forumyň çäginde syýahatçylyk, medeni-ynsanperwer we ýaşlar bilen bagly hyzmatdaşlygy ösdürmek boýunça çekişmeler hem meýilleşdirilýär.
Birinji Hazar ykdysady forumy Türkmenistanyň Prezidentiniň başlangyjy bilen 2019-njy ýylda «Awaza» milli syýahatçylyk zolagynda geçirilipdi. Onuň dowamynda Hazarýaka döwletleriň arasynda strategik hyzmatdaşlygy ösdürmek boýunça möhüm ylalaşyklar baglaşylypdy.