“Depgin gurluşyk” kärhanasy ähli gurluşyk tehnologiýalaryndan kämil derejede peýdalanyp, her bir gozgalmaýan emläk obýektleriniň gurluşygyny müşderileriň buýrmasy esasynda saýlanan materiallar arkaly ýerine ýetirýär.

Kärhana her bir obýekti açara çenli taslamak we tabşyrmak boýunça iň kämil hyzmatlary hödürlemek, gurluşykda ygtybarly we iň gowy materiallary ulanmak, gurluşygyň başlanýan we tamamlanýan wagtyny doly gözegçilikde saklamak, her bir müşderä aýratyn çemeleşmek, ýokary gurluşyk hilini üpjün etmek arkaly öz bäsdeşlerinden öňe saýlanýar. Müşderiler kärhananyň hünärmenleri tarapyndan binagärligiň, kompozisiýanyň hem-de inženerçiligiň ähli kadalarynyň göz öňünde tutulyp gurlan hakyky gurluşyk eserlerine Türkmenistanyň ähli künjelerinde uly höwes bilen eýelik edýärler.

Mundan başga-da kärhana gurluşyk harytlaryny satmak işini alyp barýar we buýrulan harytlary islendik wagtda müşderilere eltip bermek hyzmatyny amala aşyrýar. Kärhananyň dünýä ülňülerine doly laýyk gelýän gurluşyk harytlaryna keramiki kafeller, dürli görnüşli yşyklandyryş enjamlary (lyustralar, spot çyralary, bra, stol çyralary, tehniki hem-de kömekçi çyralar we ş.m.), granit daşlary, santehniki mebelleri hem-de enjamlar (kran, rakowina, duş enjamlary, banýa mebelleri, bide, unitaz), dürli maksatly profiller (banýada ulanylýan görnüşler, potolok üçin niýetlenen görnüşler, laminat we parket hem-de kafeller üçin niýetlenen dürli görnüşler), öý üçin niýetlenen mebeller (ýatylýan mebeller, diwanlar, oturgyçlar, aşhana mebelleri we ş.m.) degişlidir.

Häzirki wagtda «Depgin gurluşyk» kärhanasynyň müşderiler köpçüligine hödürleýän ýokary hilli gurluşyk hyzmatlary we gurluşyk harytlary uly islege eýe bolýar.

Kärhananyň käbir taslamalary bilen saýtymyzyň fotoreportaž bölüminde tanşyp bilersiňiz.