Girmek
Aşgabadyň «Altyn asyr» futbol topary Türkmenistanyň çempionatynyň 26-njy tapgyrynda «Energetigi» uly hasap bilen ýeňdi. Duşuşyk «aragatnaşykçylaryň» peýdasyna 6:0 hasabynda tamamlandy.
Ýeňiji toparda Begenç Akmämmedow 41-nji, Mihail Titow bolsa 60-njy minutda tapawutlandy. Galan dört pökgini 70, 79, 84 we 87-nji minutlarda Altymyrat Annadurdyýew geçirdi.
Möwsümiň tamamlanmagyna iki tapgyr galdy. «Altyn asyr» indiki tapgyrda «Aşgabat» bilen duşuşar. Şol gün ― 25-nji noýabrda «Energetik» «Ahal» bilen güýç synanyşar.
Çempionatyň tamamlanmagyna üç tapgyr galanda «Altyn asyryň» çempionlygyny yglan edendigini, «Energetigiň» bolsa 12 utuk bilen sekizinji orny eýeleýändigini ýatladýarys.