Türkmenistanyň futbol çempionatynyň 24-nji tapgyrynyň çäginde şu gün paýtagtdaky «Nusaý» stadionynda geçirilen duşuşykda «Aşgabat» «Energetigi» uly hasap bilen ýeňdi. Duşuşyk paýtagtyň adybir toparynyň peýdasyna 6:1 hasabynda jemlendi.

Ýeňiji toparyň düzüminde Myrat Amantaganow iki gezek tapawutlandy. Beýleki pökgüleri bolsa Daýanç Nuryýew (11 m.j.u.), Şatlyk Gurbanow, Nurýagdy Muhammedow we Orazberdi Myradow dagylar geçirdiler. «Energetigiň» ýeke-täk pökgüsini Alikper Musaibow geçirdi.

Bu ýeňişden soňra utugyny 29-a çykaran «Aşgabat» bäşinji orunda galdy. 9 utukly «Energetik» bolsa ýaryşyň ahyrky basgançagynda.

 “Aşgabat” – “Energetik” – 6:1

Gollar: 32 (11 m.j.u) Daýanç Nuryýew, 56 Şatlyk Gurbanow, 61, 63 (11 m.j.u) Myrat Amantaganow, 65 Nurýagdy Muhammedow, 69 Orazberdi Myradow – 78 Alikper Musaibow.

Duýduryşlar: 8 Rahmet Şermetow, 28 Begli Meredow, 34 Amanmyrat Meredow (toparyň başlygy), 62 Maksat Atagarryýew.

Geçirilen ýeri: “Nusaý” stadiony (Aşgabat ş.)

Duşuşygyň emini: Ç.Gurbanow (Aşgabat ş.)

Kömekçi eminler: Ş.Hydyrow (Balkanabat ş.), E.Annamyradow (Balkanabat ş.)

Ätiýaçdaky emin: M.Nurberdiýew (Aşgabat ş.)

Gözegçi emin: M.Seýitgulyýew (Aşgabat ş.).