Koronawirus ýokanjynyň ýaýramagy ähli döwletleriň ykdysadyýetine ýaramaz täsir etdi. Dünýädäki kyn maliýe we ykdysady şertlere garamazdan, Türkmenistanyň ykdysadyýeti durnukly ösüşde. Döwlet ep-esli maliýe çeşmelerini ätiýaçda saklamagy başardy. Bu barada Prezident Gurbanguly Berdimuhamedow şu gün Türkmenistanyň Halk Maslahatynyň mejlisinde eden çykyşynda aýtdy.

Berdimuhamedow: «Häzirki kyn şertlerde Halk Maslahatynyň geçen ýylky mejlisinde kabul edilen bäş ýyllyk ösüş maksatnamasyny ýerine ýetirmek üçin ähli çäreleri görmelidiris» diýip, wezipäni takyklaşdyrdy.

TDH-nyň habar bermegine görä, milli forumyň gün tertibinde döwlet durmuşynyň ileri tutulýan meseleleri bar. Ilkinji gezek göni wideoaragatnaşyk arkaly geçirilýän maslahata Prezident Gurbanguly Berdimuhamedow ýolbaşçylyk edýär.