Şu gün futbol boýunça 23 ýaşa çenli zenanlar ýygyndylarynyň arasynda Merkezi Aziýa futbol assosiasiýasynyň (CAFA) çempionatyna badalga berler. Duşenbe şäherindäki «Täjigistan» myhmanhanasynda ýaryşyň öňüsyrasyndaky maslahat bolup geçdi.

Täjigistanyň Futbol federasiýasynyň resmi saýtynyň habar bermegine görä, bu maslahata geçiriljek duşuşyklaryň komissarlary, gözegçi eminleri, CAFA-nyň, AFC-nyň, FFT-nyň, Täjigistanyň, Özbegistanyň, Eýranyň, Owganystanyň, Türkmneistanyň we Gyrgyzystanyň zenanlar olimpiýa ýygyndylarynyň wekilleri gatnaşdylar. Maslahata Türkmenistandan baş tälimçi Kamil Mingazow bilen futbolçy Selbi Kiçigulowa wekilçilik etdi.

«CAFA U-23 Women’s Championship 2019» atly bu halkara ýaryşyň baş dolandyryjysy CAFA-nyň baş sekretary Ulugbek Karimowdyr. Duşuşyklaryň komissarlary bolup Özbegistandan Aleksandr Dawydenko, Täjigistandan Jowidon Hasanow işlär. Täjigistandan Abdurahim Boboýew bilen biziň ildeşimiz Allabergen Sapaýewe duşuşyklaryň gözegçi eminleri bolmak ynanyldy. Duşuşyklarda alty döwletiň ― Täjigistanyň, Özbegistanyň, Eýranyň, Gyrgyzystanyň, Türkmenistanyň we Owganystanyň eminleri eminleri işlär.

Çempionatda 15 duşuşyk geçiriler. Olar Duşenbäniň we Gissaryň merkezi stadionlarynda oýnalar. Bir aýlawdan ybarat boljak ýaryşda iň köp utuk toplan ýygyndy çempion diýlip yglan ediler.

«CAFA U-23 Women’s Championship 2019-yň» birinji tapgyrynyň duşuşyklary 22-nji noýabrda geçiriler. Sagat 14-de Gissaryň merkezi stadionynda geçiriljek duşuşykda Özbegistan bilen Gyrgyzystan duşuşar. Owganystan ― Türkmenistan (14:00), Eýran ― Täjigistan (17:00) duşuşyklary bolsa Duşenbäniň merkezi satdionynda geçiriler.

Zenanlaryň olimpiýa ýygyndylarynyň arasynda CAFA ― 2019 çempionaty

1-nji tapgyr

22-nji noýabr (anna)

14:00 – Özbegistan ― Gyrgyzystan. Gissaryň merkezi stadiony

14:00 – Owganystan – Türkmenistan. Duşenbäniň merkezi stadiony

17:00 – Eýran – Täjigistan. Duşenbäniň merkezi stadiony.

2-nji tapgyr

23-nji noýabr (şenbe)

14:00 – Eýran – Türkmenistan. Gissaryň merkezi stadiony

14:00 – Özbegistan ― Owganystan. Duşenbäniň merkezi stadiony

17:00 – Täjigistan ― Gyrgyzystan. Duşenbäniň merkezi stadiony

3-nji tapgyr

25-nji noýabr (Duşenbe)

14:00 – Täjigistan ― Owganystan. Gissaryň merkezi stadiony

14:00 – Gyrgyzystan ― Eýran. Duşenbäniň merkezi stadiony

17:00 – Türkmenistan ― Özbegistan. Duşenbäniň merkezi stadiony

4-nji tapgyr

26-njy noýabr (sişenbe)

14:00 – Özbegistan ― Eýran. Gissaryň merkezi stadiony

14:00 – Owganystan ― Gyrgyzystan. Duşenbäniň merkezi stadiony

17:00 – Türkmenistan ― Täjigistan. Duşenbäniň merkezi stadiony

5-nji tapgyr

28-nji noýabr (penşenbe)

14:00 – Täjigistan ― Özbegistan. Gissaryň merkezi stadiony

14:00 – Gyrgyzystan ― Türkmenistan. Duşenbäniň merkezi stadiony

17:00 – Eýran ― Owganystan. Duşenbäniň merkezi stadiony.