Girmek
GDA-nyň döwlet Baştutanlarynyň Aşgabatda geçirilen Geňeşinde Türkmenistanyň Prezidenti Gurbanguly Berdimhamedow Arkalaşygyň Ýerine ýetiriji komitetiniň başlygy baradaky meselä degip geçip, dekabrda ygtyýarlyk möhletleri tamamlanýan Ýerine ýetiriji komitetiň ýolbaşçysy Sergeý Lebedewi biziň ählimiziň köp ýyl bäri tanaýandygymyzy belledi. Ol maksada okgunly hem-de ýokary jogapkärçilik bilen işleýär, Arkalaşygyň saklanmagy we ösdürilmegi üçin köp iş edýär.
Şunuň bilen baglylykda, Russiýa Federasiýasy onuň işiniň möhletini nobatdaky üç ýyllyk döwre uzaltmagy teklip edýär diýip, döwlet Baştutanymyz aýtdy hem-de wekiliýetleriň çykyş eden baştutanlarynyň hem bu teklibi goldandyklaryny nygtady.
Türkmenistanyň Prezidenti Gurbanguly Berdimuhamedow degişli çözgüdiň kabul edilýändigi barada habar berip, bu ýere ýygnananlaryň ählisiniň adyndan Sergeý Lebedewi gutlady hem-de bu wezipede oňa mundan beýläk-de üstünlikleri arzuw etdi.