Eýran Yslam Respublikasynyň Prezidenti Masud Pezeşkian Garaşsyzlygynyň 35 ýyllygy mynasybetli Türkmenistanyň Prezidenti Serdar Berdimuhamedowa, ýurduň Hökümetine hem-de ähli türkmen halkyna öz adyndan tüýs ýürekden gutlaglaryny beýan edip, hoşniýetli arzuwlaryny ýetirdi. Bu barada TDH habar berýär.

Masud Pezeşkian gutlagynda: «Taryhy kökler, dini we medeni umumylyklar Eýran Yslam Respublikasy bilen Türkmenistanyň arasyndaky özara bähbitli gatnaşyklary pugtalandyrmakda we ösdürmekde möhüm binýat bolup durýar. Şeýle umumylyklaryň özara gatnaşyklary mundan beýläk-de ösdürmekde möhüm orna eýe boljakdygyna berk ynanýaryn» diýip belledi.

Eýranyň Prezidenti pursatdan peýdalanyp: «Gudraty Güýçli Allatagaladan Siziň Alyhezretiňize berk jan saglyk, üstünlik, Türkmenistanyň halkyna bolsa ösüş we rowaçlyk dileýärin» diýip, arzuw etdi.