Gazagystanyň Prezidenti Kasym-Žomart Tokaýew ýurduň Halk Geňeşiniň başlygy wezipesine parlamentiň aşaky palatasynyň öňki başlygy Ýerlan Koşanowy teklip etdi. Bu barada gazak lideriniň metbugat gullugyna salgylanýan TASS agentligi habar berdi.

Tokaýewiň Koşanowy Halk Geňeşiniň birinji mejlisiniň barşynda bu ýokary wezipä hödürländigi bellenýär.

64 ýaşly Ýerlan Koşanow 2023-nji ýyldan 2026-njy ýylyň iýulyna çenli parlamentiň Mažilisiniň (aşaky palata) başlygy wezipesini eýeledi. Dürli ýyllarda Gazagystanyň Prezidentiniň edarasynda ýolbaşçy, Garaganda oblastynyň häkimi boldy. 2022-nji ýyldan 2026-njy ýylyň iýunyna çenli iri «Amanat» partiýasyna başlyklyk etdi.