Türki dünýäniň Kompozitorlar birleşiginiň birinji gurultaýynyň çäklerinde Azerbaýjanyň, Gazagystanyň, Gyrgyzystanyň, Türkiýäniň, Özbegistanyň, Türkmenistanyň we Wengriýanyň öňdebaryjy sazçylyk guramalarynyň wekilleri Türki dünýäniň Kompozitorlar birleşiginiň («Turkic Union of Composers» – «TUC») döredilýändigini yglan etdiler.

«Report» gullugynyň habar bermegine görä, taraplar türki döwletleriň kompozitorlarynyň, sazşynas alymlarynyň, konserwatoriýalarynyň, saz akademiýalarynyň we döredijilik birleşikleriniň arasynda yzygiderli hünär hyzmatdaşlygynyň düýbüni tutan Baku jarnamasyna gol çekdiler.

Şunlukda, türki döwletleriň kompozitorlarynyň arasyndaky hyzmatdaşlyk ilkinji gezek bitewi institusional binýada we uzak möhletleýin halkara meýdançasyna eýe boldy diýlip, habarda bellenilýär.