Türkmenistanyň agyr atletikaçysy Medina Amanowa 20 ýaşa çenli gyzlaryň arasynda geçirilýän agyr atletika boýunça Aziýa çempionatynda 69 kilograma çenli agram derejesinde çykyş edip, kiçi bürünç medala mynasyp boldy. Ýaryş Daşkent şäherinde geçirilýär.

Türgen silkip götermekde 121 kilogram agramy galdyryp, üçünji netijäni görkezdi. Iki görnüşiň jemi boýunça 205 kilogram netije gazanyp, ýaryşy umumylykda altynjy orunda tamamlady.

Agyr atletika boýunça Aziýa çempionaty Özbegistanyň paýtagty Daşkentde 13–14-nji awgust aralygynda geçirilýär. Ýaryşa sebitiň 29 ýurdundan 300-den gowrak türgen gatnaşýar. Türkmenistanyň ýygyndysynyň düzüminde 16 türgen — ýedi oglan we dokuz gyz çykyş edýär.