Hytaýyň Ýunnan ülkesiniň Puer şäheriniň Moszýan-Haniý awtonom uýezdinde 20-nji halkara ekizler festiwaly dowam edýär.

5-nji maýa çenli dowam etjek baýramçylyga 20-den gowrak ýurtdan we sebitlerden ekizleriň müňden gowragy gatnaşýar. Bu çäräniň tematiki köpdürlüligi tutuş dünýäden syýahatçylary jemledi, olar «Ekizleriň watany» diýlip tanalýan ülkäniň özboluşly gözelligini gözleri bilen görmek isleýärler diýip, «Sinhua» agentligi habar berdi.