Magtymguly adyndaky Türkmen döwlet uniwersitetiniň talyby Medine Sopytaganowa Moskwa şäher pedagogik uniwersiteti we Russiýanyň ynsanperwer ylymlar instituty tarapyndan guralan «Homo dicens» rus dili boýunça halkara olimpiadasynda birinji orny eýeledi.

«Türkmenistan: Altyn asyr» neşiriniň habar bermegine görä, Medine taryh fakultetiniň 4-nji ýylynda okaýar we ol halkara hem-de döwlet derejesindäki dürli olimpiadalaryň we bäsleşikleriň birnäçe gezekki ýeňijisidir.

Bu abraýly halkara ýaryşyna Russiýadan, Hytaýdan, Saud Arabystanyndan, Iordaniýadan, Serbiýadan, Moldowadan, Gazagystandan, Gyrgyzystandan, Özbegistandan we Türkmenistandan 200-e golaý talyp gatnaşdy.

Türkmenistanly talyp bäsleşigiň iki tapgyryndan hem üstünlikli geçip, ajaýyp taýýarlyk görkezdi. Olimpiadanyň jemleri boýunça eminleriň karary bilen Medine Sopytaganowa I derejeli diplom bilen sylaglandy.