Türkmenistan Özbegistanda ýokary bilim alýan raýatlarynyň sany boýunça öňdeligi eýeleýär. Bu barada Özbegistanyň Milli statistika komiteti habar berdi. 

Şu ýylyň ýanwar — mart aýlaryndaky ýagdaýa görä, goňşy ýurtda ýokary bilim alýan türkmenistanlylaryň sany 7 müň 174-e deň. Türkmenistan bu ugurda birinji orny ynamly ýagdaýda özünde saklaýar. Sanawda ikinji orun Hindistana (2 müň 835), üçünji ýer Täjigistana (1 müň 170) degişli. Şeýle-de ilkinji bäşlikde Hytaýyň (641) we Gyrgyz Respublikasynyň (483) hem ady bar. 

Umuman alnanda, häzirki wagtda Özbegistanda 15 müň 124 sany daşary ýurtly ýokary bilim alýar.