Internetde Hindistandaky tikin kärhanasyndan alnan görnüşler günsaýyn meşhurlyk gazanýar, onda gulagy ses eşitdirijili we kelleleri kameraly işgärler yhlas bilen egin-eşik tikýärler. Şeýle etmek bilen, kompaniýa geljekde önümçilikde adamlary çalyşjak emeli aňy okatmak üçin maglumatlary toplaýar diýip, «Oddity Central» neşiri ýazýar.

Kameralar işçileriň elleriniň we gözleriniň hereketlerini hasaba alýarlar, bu neýroulgamlary okatmak üçin maglumatlar goruny döretmekde gerek. Hereketleri hasaba almak boýunça gymmat ulgamlaryň ornuna kompaniýa iň inçe hereketi-de nusgalamak üçin «adam bakyşyny» ulanýar.

«Eger çaklama dogry bolsa, bu ahlak sowallaryny döredýär» diýip, sosial torlary ulanyjylar ýazýarlar. Olaryň pikiriçe, işgärler özleri-de bihabar geljekki «oruntutarlar» üçin öwrediji maglumatlary ýazgy edýärler. Internetden peýdalanyjylaryň: «Olar özlerine gabyr gazýarlar» diýip ýazgarýanlary-da bar.