Bangladeşde bir gije-gündizde azyndan 14 adam ýyldyrym urup heläk boldy, birnäçe adam ýaralandy. «Olaryň ählisi-de harasat wagty açyk meýdanda işläp ýören oba ýaşaýjylary» diýip, ýerli habar beriş serişdelerine salgylanýan «news.by» habar berdi.

ABŞ-nyň günorta böleginde-de howa ýaramazlaşdy. Tehas ştatyndaky güýçli tüweleýde iki adam gurban boldy, ýerli infrastruktura çynlakaý zeper ýetdi.  Tizligi sagatda 200 km.-e deň bolan şemal özünden soňra derbi-dagyn edilen giň zolagy galdyrdy. Ýüzlerçe öýlere zeper ýetdi, 20-den gowrak öý tutuşlygyna ýumruldy. On müňlerçe ýaşaýjy elektriksiz galdy.