Türkmen döwlet bedenterbiýe we sport instituty ýurduň umumybilim berýän orta mekdepleriniň gutardyş synp okuwçylarynyň, şeýle hem sport mekdeplerde türgenleşýän sporta höwesli ýaşlaryň arasynda «Zehinli ýaşlar — türgenleriň täze nesli» atly bedenterbiýe we sport bäsleşiklerini geçirýär.

Bedenterbiýe we sport bäsleşikler 4 — 9-njy maý aralygynda günde sagat 14:00 — 18:00 aralygynda Türkmen döwlet bedenterbiýe we sport institutynyň köpugurly sport toplumynda geçiriler.

— Umumy beden taýýarlygy we sportuň tizlik-güýç alamatly görnüşleri boýunça bäsleşikler – 2026-njy ýylyň 4-6-njy maýy aralygynda;

— sportuň oýun we göreş görnüşleri boýunça hem-de sportuň görnüşlerinden umumy we ýörite beden taýýarlygy boýunça test bäsleşikleri — 2026-njy ýylyň 7-9-njy maýy aralygynda.

Türkmen döwlet bedenterbiýe we sport institutynyň açyk çempionatlary haçan geçiriler?

— Türkmen milli we guşakly göreş boýunça Türkmen döwlet bedenterbiýe we sport institutynyň açyk çempionaty – 2026-njy ýylyň 12 — 14-nji maýy aralygynda;

— grek-rim we erkin göreş boýunça Türkmen döwlet bedenterbiýe we sport institutynyň açyk çempionaty – 2026-njy ýylyň 15 — 17-nji maýy aralygynda;

— sambo boýunça Türkmen döwlet bedenterbiýe we sport institutynyň açyk çempionaty – 2026-njy ýylyň 22 — 24-nji maýy aralygynda.

Gatnaşmaga isleg bildirýänler QR-kod ulgamy ýa-da tdbsi@sanly.tm elektron salgysyna ugratmak arkaly onlaýn görnüşde ýa-da bäsleşikler başlamazdan öň instituta gelip hasaba aldyryp bilerler.

Bäsleşikleriň düzgünnamalary bilen www.tdbsi.edu.tm resmi saýtyna salgylanyp tanşyp bilersiňiz!