Tahyr Ataýewiň orkestri şu ýyl «Gahrymanlaryň albomy» başlangyjyny dowam etdirip, Türkmenistanyň raýatlaryny oňa goşulmaga çagyrýar.

Munuň üçin etmeli zat örän ýönekeý — 1941–1945-nji ýyllaryň Beýik Watançylyk urşuna gatnaşan ýakyn hossaryňyzyň fotosuratyny atayev.orchestra@gmail.com salgysyna ugratmaly. Suratlar ýokary hilli bolup, jpeg, png ýa-da pdf formatlarynda bolmalydyr.

Hatyňyzda weteranyň familiýasy, ady we atasynyň ady, ýaşan ýyllary, siziň ýaşaýan şäheriňiz görkezilmeli hem-de gahryman barada gysgaça ýazgy goşulmaly (mysal üçin: «Ol hemişe biziň ýadymyzda», «Onuň sarpasyny mydama saklaýarys! Buýsanýarys!»).

Suratlar 6-njy maýa çenli kabul edilýär. Iberilen ähli suratlar «Gahrymanlaryň albomyna» goşular we baýramçylyk konsertiniň dowamynda ekranda görkeziler.