Ýewropada gelmişekleriň sany rekord derejä ýetdi. Ýagny Ýewropa Bileleşiginde häzir 64 million sany başga ýurtlardan göçüp gelenler ýaşaýar, bu tutuş ilatyň 15 göterimini düzýär. Bu barada «Rockwool» telekeçilik däl gaznasynyň täze nutugyna salgylanýan «rg.ru» habar berýär.

Diňe 2025-nji ýylda Ýewropa bileleşigine 2,1 million adam göçüp bardy, 2010-njy ýyldan bäri bolsa, olaryň sany 20 milliona çenli köpeldi.

Migrantlar, esasan, Germaniýa, Fransiýa, Ispaniýa we Italiýa barýarlar. Göçüp gelenleriň sanynyň artyşy boýunça öňdeligi Ispaniýa eýeledi.

Lýuksemburgda göçemenleriň ilatyň düzümindäki paýy 50 göterimden geçýär. Maltada we Kiprde olar ähli ýaşaýjylaryň üçden birini düzýärler. Migrantlaryň iň az barýan ýurtlary Gündogar Ýewropadaky Slowakiýa, Bolgariýa we Polşadyr.

Öň Ýewrostat edarasy 2100-nji ýyla çenli Ýewropanyň ilatynyň 11,7 göterim ýa-da 53 million adam azaljakdygyny çaklapdy.