Halkara ynsanperwer ylymlary we ösüş uniwersitetiniň halkara hukuk we halkara gatnaşyklary fakultetiniň 1-nji ýyl talyby Şanazar Allamyradow Astanada geçirilen «Merkezi Aziýanyň iň gowy talyby» atly halkara bäsleşigiň ýeňijileriniň hataryna goşuldy. Ol bäsleşige onlaýn görnüşinde gatnaşyp, I derejeli diploma, döşe dakylýan nyşana hem-de kuboga mynasyp boldy.

Bäsleşik «Bilim Orkeniýeti» milli innowasion ylmy-barlag merkezi hem-de «Žaña Kazakstan» respublikan innowasion merkezi tarapyndan guraldy. Eminler topary türkmen talybynyň ylym, sungat we döredijilik ugurlaryna goşan goşandyna ýokary baha berdiler.

Bellenilişine görä, bu sylag türkmen talyplary üçin ilkinji däldir: ýurduň ýaş wekilleri bu meýdançada ozal hem ýokary netijeleri görkezipdiler.

Ozal habar berşimiz ýaly, Muhammetnur Rejepow 21-nji martda geçirilen «Merkezi Aziýanyň iň gowy talyby» atly bäsleşikde ýeňiş gazanypdy. Onuň sözlerine görä, üstünlik gazanmagynda 6-njy dekabrda geçirilen Ýewropa Bileleşiginiň halkara modeli atly halkara maslahata gatnaşmagy möhüm ähmiýete eýe bolupdy. Şol çäräniň netijesinde mynasyp bolan gatnaşyjylyk şahadatnamasy oňa hormatly adyň berilmegine esas bolupdy.