7–8-nji aprelde UEFA-nyň Çempionlar ligasynyň 2025/26 möwsüminiň çärýek final tapgyrynyň ilkinji oýunlary geçirildi. Dört duşuşygyň ählisinde ýeňiji bolan toparlar jogap oýunlarynyň öňüsyrasynda artykmaçlyk gazandylar.

«Real Madrid» — «Bawariýa» duşuşygynda ilkinji goly 41-nji minutda Luis Dias geçirdi, ikinji ýarymyň başynda bolsa Garri Keýn hasaby artdyrdy. 74-nji minutda Kilian Mbappe meýdança eýeleriniň yza galmasyny azaltsa-da, «Bawariýa» ýeňşini saklap galmagy başardy — 2:1.

Sişenbe günündäki ikinji duşuşykda «Sporting» bilen «Arsenal» duşuşdy. Ýeke-täk gol 92-nji minutda geçirildi: Gabriel Martinelliniň pasyndan peýdalanan Kaý Hawerts «Arsenala» ýeňiş getirdi — 1:0.

8-nji aprelde «Barselona» öz meýdançasynda Madridiň «Atletiko» klubyndan 0:2 hasabynda utuldy. Gollary Hulian Alwares (45-nji minutda) we Aleksandr Serlot (70-nji minutda) geçirdi.

Şol gün agşam PSŽ «Liwerpuly» kabul etdi. 11-nji minutda Dezire Due hasaby açdy, 65-nji minutda bolsa Hwiça Kwarasheliýa ikinji goly geçirdi, şeýlelikde Parižiň kluby bu duşuşykda 2:0 hasabynda ýeňiş gazandy.

Çärýek finalyň jogap duşuşyklary 14–15-nji aprelde geçiriler: «Atletiko» «Barselonany», «Liwerpul» PSŽ-ni, «Arsenal» «Sportingi», «Bawariýa» bolsa «Real Madridi» kabul eder.

Ýaryşyň finaly 2026-njy ýylyň 30-njy maýynda Budapeşt şäherinde geçiriler.