Indi dünýä injek çaganyň oglanjyk ýa-da gyzjagazdygyny bilmek üçin guralýan dabaralar Ýer ýüzünde geljekki ene-atalaryň arasynda giň meşhurlyga eýe bolýar. Gender-party — bu özboluşly dabara bolup, çagaňyzyň jynsyny bilmäge we ony ýakynlaryňyza mälim etmäge ajaýyp mümkinçilikdir.
«Gender reveal party» atlandyrylýan bu dabarany guramagy ýola goýanlaryň ilkinjileriniň biri diýip, amerikaly Jenna Karwunidisi hasap etmek bolar. Bu zenan 2008-nji ýylda reňkli süýjülik tortuny bişirip şeýle dabarany gurandygy barada ene-atalar forumynda aýtmak bilen, täze trendiň ýüze çykmagyny gazanypdyr. Eýýäm 2009-njy ýylda «YouTube» platformasynda ilkinji gender-party dabaralary peýda bolup başlapdyr, 2010-njy ýylda bolsa bu termin «Google» gözleg ulgamynda ulanylypdyr.
Gender-party bellemegiň çylşyrymly kadalary ýokdur. Sebäbi ultrases anyklaýşy boýunça lukmanyň çaganyň jynsyny gören badyna, dabara başlabermegem bolýar.
Bu baýramçylyk şowhuny bolan maşgala dabarasyny belläp geçmek babatda birnäçe ideýalary dykgatyňyza hödürleýäris.
Howa şarlary — bu çaganyň jynsyny bilmek dabarasyny bellemegiň iň amatly we giňden ýaýran görnüşi hasap edilýär. Mekdep esbaplarynyň dükanlaryndan onuň taýýar serişdelerini tapmak bolýar. Munuň üçin «Oglanjykmy ýa-da gyzjagaz» diýip ýazylan gara şar, gülgüne ýa-da gök reňklerdäki konfetti gerek.
Surat: pinterest.com
Ýene-de bir usul — geliý bilen çişirilen şarlar bilen gutyny doldurmakdyr. Beýle ýagdaýda geljekki ene-ata gutyny açan badyna, ondan gök ýa-da gülgüne şarjagazlar uçup çykýar.
Pinýata, bu usul aýratynam uly çagalary bolan maşgalalar üçin giňden ulanylýan usuldyr. Hut pinýatany urmaga olaryň özleri hem işjeň gatnaşyp bilýärler, sebäbi olara-da gyz ýa-da oglan jigileriniň boljakdygy barada habar örän gyzyklydyr.
Surat: pinterest.com
Süýjülik torty — gender dabarasynyň nusgawy görnüşidir. Bu torty ýasadýan adam onuň daşyny adaty, başga bir reňkde taýýar edýär, ine, onuň içi bolsa ýa gyrmyzy, ýa-da gök reňkde taýýar edilmelidir. Ýagny, tortuň kremi ýa-da çöregi bu reňkleriň haýsy hem bolsa birine boýalýar. Torty taýýarlamakda konditere onuň içinde dürli hili şokoladlary, draželeri, marmeladlary we beýleki süýjüleri goýmagy haýyş edip bilersiňiz. Onuň içki gatynyň reňkinden hemmelere indiki çaganyň jynsynyň haýsy boljakdygy aýan bolar.
Surat: pinterest.com
Egin-eşiklere dürli reňkleri çalmak. Dabaryny gyzyklandyrýan bu usul ene-atanyň ak köýnekçe geýmegi we gözlerini daňmak bilen, öňlerinde duran reňki birek-biregiň eşiklerine çyrşamagy arkaly ýerine ýetirilýär. Gözleriniň daňysyny açan mahallary, olar geljekki bäbejikleriniň ogul ýa-da gyz boljagyna göz ýetirýärler.
Saýawan — bu hem gender party bellemegiň amatly we harajatsyz görnüşidir. Düňderilen saýawana konfetti, emeli ýapraklar, gerekli bolan reňklerdäki ýelekler guýulýar. Guramaçy bu saýawanyň soňky pursata çenli berk ýapyk bolmagyny üpjün etmeli.
Şagalaň nähili geçse-de, goý ol kiçi maşgalada ýa-da uly göwrümde bolsa-da, esasy zat, ony hatda çaga-da duýar ýaly ýagdaýda baýram etmekdir.
Aşgabatly ýaş maşgalalara bu ýagdaýy dabaraly bellemäge «Ak Ýol» toý mekannyň zaly kybap gelýän ýerleriň biridir.
«Ak Ýol» toý mekanynda bu dabara mynasybetli gülgüne we gök reňklerde ýörite fotozona hem döredip bolýar. Garaşylýan ajaýyp pursatda bolsa şagalaňyň aýgytly ýerinde toý mekanynyň hünärmenleri gerekli bolan reňki yşyklandyrmagy gurap berýärler.
Indi toý etmegi meýilleşdirýän ýaşlara bolsa, «Ak Ýol» toý mekany birnäçe tölegsiz hyzmatlary bolan toý dabarasyny bellemegi hödürleýär. Toý mekanynyň sowgat hökmünde hödürleýän hyzmatlaryndan süýjülik tortuny, foto we wideo faýllary görkezmek üçin niýetlenen ekrany, «Lincoln» awtoulagyny, myhmanhananyň lýuks otagyny we beýlekileri aýtmak bolar.
«Ak Ýol» toý mekanynyň ýerleşýän salgysy: Aşgabat ş., Bagtyýarlyk köçesi, 15-nji jaý, «Bagt köşgi» toý dabaralary merkezi.
Sosial media ulgamyndaky sahypasy.
Goşmaça maglumatlar bilen gyzyklanmak üçin telefon belgileri: (+993 65) 41 41 40, (+993 60) 13 62 62, (+993 12) 95 06 38.
Peýdalanylan çeşmeler: aif.ru; profi.ru; lucky-child.com; bash.today; snova-prazdnik.ru
Şeýle-de okaň:
