Soňky habarlar

Arhiw

TÜRKMEN DÖWLET YKDYSADYÝET WE DOLANDYRYŞ INSTITUTY

0
26158
Soňky täzelenme:

2017/2018-nji okuw ýyly üçin hünärmenleri taýýarlamagyň aşakdaky ugurlary (hünärleri) boýunça talyplyga kabul edýändigini yglan edýär:

1. Ykdysadyýet we hojalyk hukugy (hünärler: ykdysadyýet we hojalyk hukugy; maliýe hukugy; statistika; ykdysady howpsuzlyk).

2. Menejment (hünärler: dünýä ykdysadyýeti; döwlet we ýerli dolandyryş; halkara maglumat işewürligi; makroykdysadyýet; ykdysady kibernetika).

3. Kompýuter tehnologiýasy (hünär: awtomatlaşdyrylan ulgamlaryň we kompýuter tehnikasynyň programma üpjünçiligi).

4. Marketing (hünärler: hili dolandyrmak; ilatyň durmuş üpjünçiligini guramak).

5. Halkara işewürligi we menejment (hünär: dünýä maliýe bazary).

6. Maliýe işi we karzlar (hünärler: gymmatly kagyzlaryň bazary; baha kesmek işi).

Tölegli esasda hünärmenleri taýýarlamagyň ugurlary we hünärleri:

1. Ykdysadyýet we hojalyk hukugy (hünär: buhgalter hasaby we audit).

2. Menejment (hünärler: menejment; ykdysadyýetde we dolandyryşda maglumat ulgamlary; kärhananyň ykdysadyýeti we dolandyrylyşy).

3. Marketing (hünärler: marketing; zähmetiň ykdysadyýeti we bazary; harytşynaslyk we harytlaryň ekspertizasy; jemgyýetçilik iýmitini guramak).

4. Halkara işewürligi we menejment (hünär: maliýe menejmenti).

5. Maliýe işi we karzlar (hünär: pul dolanyşygy we karz).

Tölegli esasda bakalawrlary taýýarlamagyň ugurlary:

1. Ykdysadyýet we dolandyryş (taýýarlygyň ugurlary: ykdysadyýet; menejment; işewürlik we telekeçilik; täjirçilik).

Instituta Türkmenistanyň umumy orta ýa-da orta hünär bilimli, ýaşy 35-den geçmedik raýatlary giriş synaglarynyň netijeleri boýunça bäsleşik esasynda kabul edilýär.

Resmi iş kagyzlary welaýat merkezlerinde we Aşgabat şäherinde 2017-nji ýylyň 10-26-njy iýuly aralygynda kabul edilýär.

Resmi iş kagyzlarynyň sanawy:

—  bellenilen nusgada rektoryň adyna ýazylan arza;

—  bellenilen nusgadaky sowalnama (anketa);

—  umumy orta (ýa-da orta hünär) bilim baradaky resminama (asyl nusgasy);

—  Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy;

—  soňky okan ýerinden (işlän ýerinden, harby bölümden) häsiýetnama;

—  3x4 sm ölçegdäki sekiz sany fotosurat;

—  işleýänler üçin zähmet depderçesiniň tassyklanan göçürmesi;

— giriş synaglaryndan üstünlikli geçen ýagdaýynda artykmaçlyklardan peýdalanýan okuwa girýän ýylynda mekdep okuwçylarynyň dersler boýunça döwlet bäsleşiginiň ýeňijileri, umumybilim dersleri boýunça halkara bäsleşiklerine gatnaşan Türkmenistanyň ýygyndy toparynyň agzalary şol ýagdaýlary tassyklaýan degişli resminamanyň asyl nusgasyny tabşyrýar.

Bulardan başga-da, okuwa girmäge isleg bildirýänler ýokarda görkezilen resminamalar bilen birlikde resminamalary kabul edýän iş toparyna aşakdakylary görkezýärler we nusgalaryny tabşyrýarlar:

—  şahsy pasportyny;

—  Türkmenistanyň Ýaragly Güýçlerinde harby gullugy geçenler harby şahadatnamasyny, harby gullugy geçmedik ýigitler ýazylyş şahadatnamasyny we ýaşaýan ýeri boýunça harby wekillikden güwähatyny.

Dalaşgär talyplyga kabul edilmek üçin artykmaç hukukdan peýdalanýandygyny tassyklaýan beýleki resminamalary görkezip biler.

Nädogry berlen maglumatlar we resmi iş kagyzlary üçin dalaşgär şahsy jogapkärçilik çekýär.

Giriş synaglary we okuwa kabul edilmek institutda (Aşgabat şäheri) aşakdaky möhletlerde geçirilýär:

Lebap welaýaty — iýul aýynyň 30-31-i, awgust aýynyň 2-si we 3-i günleri

Balkan welaýaty — awgust aýynyň 1-i, 2-si we 4-i günleri

Mary welaýaty — awgust aýynyň 5-6-sy, 9-y we 11-i günleri

Ahal welaýaty — awgust aýynyň 7-8-i, 10-y we 12-si günleri

Aşgabat şäheri — awgust aýynyň 13-14-i, 16-sy we 18-i günleri

Daşoguz welaýaty — awgust aýynyň 15-i, 17-si we 19-y günleri

Giriş synaglary aşakdaky dersler boýunça geçirilýär:

ykdysadyýet we hojalyk hukugy; menejment; marketing; halkara işewürligi we menejment; maliýe işi we karzlar ugurlary —  matematika, Türkmenistanyň taryhy, geografiýa;

awtomatlaşdyrylan ulgamlaryň we kompýuter tehnikasynyň programma üpjünçiligi hünäri — matematika, fizika, Türkmenistanyň taryhy;

bakalawrlaryň taýýarlanylýan ykdysadyýet we dolandyryş ugry (taýýarlyk ugurlary: ykdysadyýet; menejment; işewürlik we telekeçilik; täjirçilik) — matematika, Türkmenistanyň taryhy, geografiýa.

Dersler boýunça giriş synaglary Türkmenistanyň orta mekdepleriniň okuw maksatnamalarynyň esasynda geçirilýär.

Dersler boýunça giriş synaglary döwlet dilinde dilden geçirilýär.

Giriş synaglarynyň tertibinde bellenen wagtda synaga esassyz sebäplere görä gelip bilmedikler ýa-da dersleriň biri boýunça synagdan geçip bilmedikler ondan soňky synaglara goýberilmeýär.

Giriş synaglarynyň netijeleri boýunça deň mukdarda baha alanlardan talyplyga kabul edilmek üçin artykmaç hukukdan aşakda görkezilenler peýdalanýarlar:

—  ykdysady hünärler boýunça 2 ýyldan az bolmadyk iş tejribesi bolanlar;

—  çagyryş boýunça harby gullugy geçenler.

Türkmen döwlet ykdysadyýet we dolandyryş institutynyň salgysy: Aşgabat ş., 1972 (Atatürk) köçesi, 73; tel.: 48-62-71, 48-62-76.

Eger-de siz sözlemde harp ýalňyşy gören bolsaňyz, şol sözi saýlap Ctrl+Enter basyň

Teswirler
Teswir ýazmak üçin içeri giriň ýa-da registrasiýa boluň
Meňzeş täzelikler