«Şanly Bedew» hojalyk jemgyýeti elektrik kebşirlenen polat turbalaryň we profilleriň giň assortimentini hödürleýär. Döwrebap enjamlar bilen enjamlaşdyrylan we ösen tehnologiýalardan peýdalanýan kärhana önümleriniň ýokary hilini kepillendirýär.

«Şanly Bedew» HJ önümlerini öndürmek üçin diňe «Северсталь» we «ММК» paýdarlar jemgyýetleri ýaly Russiýanyň öňdebaryjy metallurgiýa zawodlarynyň ýokary hilli polatlaryny ulanýar. Ulanylýan polatlaryň haryt nyşanlary: St3ps, St2ps hem-de Ýewrostandart S235JR.

Kärhananyň önümçilik düzümi ýokary takyklykda kesiji enjam, ýokary ýygylykly kebşirleýji we göwrüm bejeriji ýaly ösen enjamlar bilen üpjün edilendir. Bu halkara hil standartlaryna laýyk gelýän tegelek, inedördül we gönüburçly polat turbalary öndürmäge mümkinçilik berýär.

Önümleriň her tapgyrynyň hil taýdan doly gözegçilikden geçirilýändigini bellemelidiris. Turbalar we profiller kebşirleýiş kemçiliklerini kesgitlemek üçin ultrases barlagyndan, şeýle hem berkligini kesgitlemek üçin gidrawliki basyş barlagyndan geçirilýär.

Önümleriň assortimenti:

- diametri ø33mm — ø114mm bolan elektrik kebşirlenen göni turbalar önümiň ululygyna baglylykda galyňlygy 4.0 mm çenli öndürilip bilner. Turbalaryň adaty uzynlygy — 6000 mm we 12000 mm.

- 30x30mm — 100x80mm ölçegli elektrik kebşirlenen göni turbalar (inedördül we gönüburçly) önümiň ululygyna baglylykda galyňlygy 4.0mm çenli öndürilip bilner. Profilleriň adaty uzynlygy 6000 mm.

«Şanly Bedew» hojalyk jemgyýetiniň önümleri dürli metal gurluşlary taýýarlamak üçin niýetlenendir we gurluşykda giňden ulanylýar. Olar TDS 1855-2022 we TDS 1973-2023 tehniki düzgünleriniň talaplaryna doly laýyk gelýär.

Kärhananyň esasy artykmaçlyklaryndan biri hem önümçiligiň çeýeligi: kärhana özbaşdak sargytlary tiz wagtda ýerine ýetirýär we taýýar önümleri çalt iberýär.

«Şanly Bedew» HJ her bir müşderä özbaşdaklykda çemeleşýär, müşderiniň öz şahsy talaplaryna laýyklykda önümleri saýlamaga kömek edýär.

Has giňişleýin maglumat almak üçin kärhananyň wekilleri bilen (+993 12) 59 62 02 we (+993 65) 85 22 22 telefon belgileri arkaly habarlaşyp ýa-da shanlybedew.com.tm resmi web saýtyna girip bilersiňiz.

Ýerleşýän salgysy: Änew şäheri, Telekeçiler köçesi, 1-nji uçastok.