Myrat Garryýew adyndaky Türkmenistanyň Döwlet lukmançylyk uniwersiteti (Reporter) “Habarçy agza” hökmünde “2025 Times Higher Education World University Rankings (WUR)” atly Ýokary Okuw Mekdepleriň 2025-nji ýyl boýunça Dünýä reýtingine girdi.
Bu bolsa Türkmenistanyň Prezidentiniň 2020-nji ýylyň 7-nji fewralynda geçiren Türkmenistanyň Ministrler Kabinetiniň giňişleýin mejlisinde kabul edilen “Ýurdumyzyň ýokary okuw mekdeplerini 2024-nji ýyla çenli halkara derejeli ýokary okuw mekdepleriniň sanawyna goşmak boýunça geçirilmeli çäreleriň Meýilnamasynyň” üstünlikli durmuşa geçirýändiginiň aýdyň subutnamasydyr.
Bu abraýly guramanyň dünýä reýtingine habarçy hökmünde girmek, dünýäniň öňdebaryjy uniwersitetleriniň tejribelerini öwrenmek we durmuşa geçirmek, maglumat alyş-çalşyna gatnaşmak, bilimiň we ylmy barlaglaryň hilini ýokarlandyrmak üçin giň mümkinçilikleri döredýär.
