Türkmenistanyň wekiliýeti Hazar deňziniň deňiz gurşawyny goramak üçin Çarçuwaly konwensiýanyň (Tähran konwensiýasy) Sekretariatynyň guralyşy boýunça resminamalaryň taýýarlanyşyny ara alyp maslahatlaşýan Ýörite bilermenler toparynyň ilkinji mejlisine gatnaşdy. Bu barada Türkmenistanyň DIM-niň resmi saýtynda habar berildi.

Mejlise Hazarýaka döwletleriniň — Azerbaýjan Respublikasynyň, Eýran Yslam Respublikasynyň, Gazagystan Respublikasynyň, Russiýa Federasiýasynyň we Türkmenistanyň wekiliýetleri gatnaşdy.

Duşuşykda Tähran konwensiýasynyň Sekretariatynyň edaralaýyn mehanizmleri hem-de Hazar deňziniň suwunyň azalmagynyň meseleleri boýunça iş toparyny döretmek baradaky konseptual meseleler ara alnyp maslahatlaşyldy.