Abdel Fattah as-Sisi Müsüriň Prezidentligine saýlandy

Müsüriň Prezidentligine häzirki döwlet Baştutany Abdel Fattah as-Sisi saýlandy. Ol saýlawlaryň birinji tapgyrynda uly tapawut bilen ýeňiş gazandy, Kairde Prezident saýlawlarynyň resmi jemleri bilen Müsüriň Milli saýlaw topary tanyşdyrdy diýip, «MIR 24» habar berýär.

Abdel Fattah as-Sisi ýurdy ýene öňdäki bäş ýylda dolandyrar. Ses berlişigiň barşynda ony goldap, ýurduň çäginde we daşynda saýlawçylaryň 89,6 göterimi ses berdi.

Saýlawlar 10-12-nji dekabrda geçdi, oňa ses bermäge hukugy bolan 67 million saýlawçynyň 70 göterimi gatnaşdy.

«Döwlet Baştutanynyň saýlawlary ýurduň bütin taryhynda iň ýokary derejede geçdi» diýip, Müsüriň Milli saýlaw toparynyň başlygy Hazem Badawi gürrüň berdi.

Şeýle-de okaň:

Russiýada Prezident saýlawlarynyň güni bellendi
Azerbaýjanyň Prezidentiniň möhletinden öňki saýlawlary 7-nji fewralda geçer

Afişa

Makalalar