Türkmenistanyň Balkan welaýatynyň Balkanabat şäherinde ýatymlaýyn bejergi alýan näsaglar üçin niýetlenen 300 orunlyk 5 gatly döwrebap köpugurly hassahana düýpli durky täzelenip, ulanylmaga berildi.
Durky täzelenen hassahananyň ýokary hünär derejeli lukmanlary sebitiň ýaşaýjylaryna ýokary hilli lukmançylyk kömegini bermek we olaryň saglyklaryny berkitmek babatda yhlasly zähmet çekerler. Hassahanada keseli anyklaýyş we maslahat beriş, hirurgiya, trawmatologiýa we ortopediýa, anesteziologiýa we reanimasiýa, neýrohirurgiýa, urologiýa we nefrologiýa, dikeldiş, stomatologiýa, endoskopiýa, fizioterapiýa we beýleki birnäçe bölümler hereket edýär.
Balkan welaýat köpugurly hassahanasy lukmançylyk ylmynyň iň soňky gazananlaryna esaslanan döwrebap enjamlar bilen enjamlaşdyrylandyr. Olaryň arasynda Niderlandlaryň «PHILIPS Medical Systems» kompaniýasynyň «Ingenia Ambition 1,5T» geliýsiz magnit-rezonans tomograf enjamy we «Access CT» kompýuter tomograf enjamy, Italiýanyň «Villa Medical Systems» kompaniýasynyň rentgen «Flexi Diagnost» we flýuroskopiýa enjamy, «Apolla EZ» sanly flýurografiýa ulgamy, şeýle hem 2 sany mobil rentgen enjamy we «Melody III D» mammografy bar.
Mundan başga-da, hassahananda 7 sany operasiýa otagy bar. Olaryň ählisi «GETINGE Group» şwed kompaniýasynyň enjamlary bilen, şol sanda «Flow C» anesteziologiýa enjamynyň täze nesli, köp funksiýaly «Maquet» operasiýa stoly, «Volista» operasion ýagtylandyryjy çeşmesi bilen üpjün edilendir.
Çylşyrymly operasiýalary ýerine ýetirmekde rentgen enjamy C-Duga “Endura BV”, (PHILIPS Medical Systems) kompaniýasynyň we «Karl Storz» nemes kompaniýasynyň tehnologiýalary minimal inwaziw laparaskopiýa, artroskopiýa we torakoskopiýa operasiýalaryny geçirmekde lukmanlara ýardam eder.
Hassahananyň barlaghana bölüminde Germaniýanyň «Human» kompniýasynyň «HumaStar» biohimiki analizatory, «HumaCount 30» gematologiýa analizatory, «Combylizer 13» peşew analizatory, «Humareader HS» immuno-ferment analizatory, şeýle-de Şwesiýanyň «Roche Diagnostics» kompaniýasynyň «Cobas Z480» PSR analizatorlary we awtomatiki usulda DNK-ny bölüp almak üçin niýetlenen «Magnapure 24» enjamy ornaşdyrylandyr.
Hormatly Prezidentimiz halkymyza Tiz lukmançylyk kömek maşynyň Toyota Hiace kysymly we Toyota Corolla sowgat berdi.
Hassahananyň durkuny täzelemek işlerini «Şadyýan gurluşyk» hojalyk jemgyýeti ýerine ýetirdi. Hojalyk jemgyýetiniň tejribeli gurluşykçylary Türkmenistanda ençeme desgalaryň bina edilmegine saldamly goşant goşdy
