Türkmenistanyň Malaýziýadaky ilçisi, Günorta-Gündogar Aziýa döwletleriniň Assosiasiýasynyň (ASEAN) ýanyndaky wekili M.Maşalow Assosiasiýanyň 43-nji mejlisiniň we ugurdaş ýygnaklarynyň jemleri boýunça geçirilen brifinge gatnaşdy.

7-nji sentýabrda bolan brifingiň dowamynda ASEAN-yň Baş sekretary doktor Kao Kim Hurn bilen duşuşyk geçirildi. Bu barada Türkmenistanyň DIM-niň resmi saýtynda habar berildi.

Duşuşygyň dowamynda Türkmenistan bilen ASEAN-yň arasyndaky gatnaşyklaryň ösdürilmeginiň ýollary, şeýle hem bu ugurda geljekki hyzmatdaşlygyň mümkinçilikleri barada pikir alyşyldy.

Habarda bellenilişi ýaly, 8-nji sentýabrda M.Maşalow ASEAN-yň Baş sekretarynyň orunbasary Maýkl Tene bilen hem duşuşdy.