«Kitçi» futbol topary Gonkongyň Premýer-ligasynyň 2023-2024-nji ýyllardaky möwsüminiň birinji tapgyrynda «Taýpo» topary bilen duşuşdy. Duşuşyk «Kitçiniň» 3:0 hasabyndaky ýeňşi bilen tamamlandy. Ýeňiji toparyň düzüminde braziliýaly futbolçy Juninýo iki (32-nji we 74-nji minutlarda) we onuň watandaşy Mikael (71-nji minutda) bir gezek tapawutlandy.
Duşuşykda «Kitçiniň» türkmenistanly ýarym goragçysy Ruslan Mingazow iki goluň assistini berdi. Şeýlelikde, Gonkongyň çempionatynyň geçen möwsüminiň «Iň gowy futbolçysy» diýlip yglan edilen Mingazow täze möwsüme hem iki assist bilen başlady.
«Kitçi» çempionatda indiki duşuşygyny 27-nji awgustda «Gonkong» bilen geçirer.
