Awgust aýynyň başynda daşary ýurt kompaniýalarynyň uçarlary Türkmenabat halkara howa menziline tehniki gonuşlary amala aşyrdylar.

3-nji awgust gijesinde «MNG airlines» kompaniýasynyň (Türkiýe) A-330 uçary Türkmenabat halkara howa menziline tehniki gonuşy ýerine ýetirdi.

Howa menziliniň web sahypasynda berilýän habara görä, 8-nji awgustda «AeroStan airlines» kompaniýasynyň (Gyrgyzystan) B-742 uçary hem tehniki gonuşy ýerine ýetirdi.

Türkmenabat halkara howa menziliniň 2018-nji ýylda Türkmenistanyň Prezidentiniň gatnaşmagynda açylandygyny ýatladýarys. Howa menzili sagatda 500 ýolagça hyzmat etmek üçin niýetlenendir.