Aşgabadyň «Köpetdag» futbol topary Türkmenistanyň çempionatynyň 10-njy tapgyrynda myhmançylykda «Şagadam» bilen duşuşdy. Türkmenbaşy şäherinde geçirilen duşuşyk myhmanlaryň 1:0 hasabyndaky ýeňşi bilen tamamlandy.

Duşuşykdaky ýeke-täk pökgini «Köpetdagyň» hüjümçisi Şamämmet Hydyrow geçirdi. Bu ýeňişden soň utugyny 17-ä çykaran «Köpetdag» ýaryş tertibiniň üçünji basgançagyna göterildi. 7 utukly «Şagadam» bolsa altynjy orunda galdy.

«Köpetdag» indiki duşuşygyny öz meýdanynda «Energetik» bilen geçirer. «Şagadam» bolsa «Nebitçini» kabul eder. Iki duşuşyk hem 8-nji awgustda bolar.

«Şagadam» ― «Köpetdag» ― 0:1.

Gol: Şamämmet Hydyrow, 19.