Türkmenistanda Russiýanyň «Mir» töleg ulgamynyň kartalaryna isleg bildirilýär. Muny Russiýanyň Aşgabatdaky ilçisi Iwan Wolynkin TASS-a beren interwýusynda mälim etdi.
Onuň aýtmagyna görä, Russiýanyň bank kartlary, şol sanda «Mir» töleg ulgamy Russiýanyň ýokary okuw mekdeplerinde okaýan türkmen talyplary, ýygy-ýygydan Russiýa syýahat edýän syýahatçylar we telekeçiler üçin zerur bolup biler.
Wolynkin şeýle hem Türkmenistanyň we Russiýa Federasiýasynyň maliýe edaralarynyň milli walýutalarda hasaplaşyklary köpeltmek mümkinçiligini ara alyp maslahatlaşýandygyny aýtdy. 2022-nji ýylda gaz töleglerini hasaba almazdan, ikitaraplaýyn söwda amallarynyň dörtden bir bölegi rublda geçirildi diýip, ilçi belledi.
