1-nji awgustdan başlap, «Türkmenpoçta» poçta aragatnaşyk kompaniýasy Türkmenistanyň ähli welaýatlaryndaky bölümlerinde «Älem TV» hemra we onlaýn telewideniýe operatorynyň telekartlarynyň satuwyny ýola goýar.

Poçta bölümleriniň müşderileri «Älem TV-niň» gije-gündiziň dowamynda 125 sany öňdebaryjy teleýaýlyma elýeterliligi bolan telekartlaryny satyn alyp bilerler.

«Türkmenpoçtanyň» bölümlerinde nagt we nagt däl görnüşde, şeýle hem «Çapar» ykjam programmasy arkaly onlaýn usulda «Älem TV» kartlarynyň balansyny doldurmak mümkindir.

«Çapar» ykjam programmasynyň hyzmatlarynyň amatlylyk derejesine baha bermek üçin ony «Google Play» we «App Store» dükanlaryndan ýükläp alyp bilersiňiz.

Şeýle-de okaň:

• Türkmenistanyň ýaşaýjylary «Çapar» ykjam programmasy arkaly ýol hereketiniň düzgünlerini bozandygy üçin jerimeleriň bardygyny barlap we töläp bilerler
• «Çapar» ykjam programmasynyň ulanyjylaryna Türkmenistandaky ähli guramalaryň habarlaşmak üçin maglumatlary elýeterlidir