Türkmenistanyň Futbol federasiýasy Täjigistanyň Duşenbe şäherinde geçiriljek Merkezi Aziýanyň kubogyna gatnaşjak milli ýygyndynyň tälimçiler we oýunçylar düzümi barada habar berdi.
Türkmenistanyň milli ýygyndysynyň tälimçiler düzümi (Ýakup Öwezow, baş tälimçi; Amandurdy Annadurdyýew, tälimçi; Maksat Myradow, tälimçi) «CAFA Futsal Cup-2023» halkara ýaryşyna gatnaşmak üçin oýunçylaryň 14-sini (2 derwezeçi, 12 oýunçy) ýygyndy toparyň hataryna çagyrdylar: Derwezeçiler: Meretgeldi Baýramow («Deňizçi»), Pirguly Gylyçmyradow («Senagatbank»).
Meýdandaky oýunçylar: Şiri Baýramdurdyýew, Akmyrat Durdyýew, Daýanç Garajaýew, Alişer Hudaýbergenow, Abdylla Nursähedow, Danil Pançenko, Maksat Soltanow, Gylyçmyrat Gylyçmyradow (hemmesi «Deňizçi»), Mülkaman Annagulyýew, Allaberdi Meredow, Gurbangeldi Sähedow (hemmesi «Köpetdag»), Berdiguly Meredow («Senagatbank»).
Merkezi Aziýa wekilçilik edýän milli ýygyndylaryň arasyndaky ilkinji halkara ýaryşy Merkezi Aziýanyň futbol Assosiasiýasy tarapyndan geçirilýändigini ýatladýarys.
Halkara ýaryşy 23 ― 30-njy iýul aralygynda Duşenbe (Täjigistan) şäherinde geçiriler. Baş baýrak ugrunda biziň milli ýygyndy toparymyzdan başga Täjigistanyň, Eýranyň, Özbegistanyň, Gyrgyzystanyň hem-de Owganystanyň milli ýygyndylary bäsleşerler.
Bir aýlawdan ybarat boljak «CAFA Futsal Cup-2023» halkara ýaryşynyň çäginde duşuşyklaryň 15-si geçiriler. Ýeňiji gazanylan utuklaryň sany boýunça kesgitlener.
Türkmen ýygyndysy halkara ýaryşyndaky ilkinji duşuşygyny 23-nji iýulda Eýranyň ýygyndysynyň garşysyna geçirer. 24-nji iýulda geçiriljek ikinji tapgyrda Täjigistanyň ýygyndy topary bilen duşuşjak türkmenistanly futzalçylar, 26-njy iýulda Özbegistanyň, 28-nji iýulda Gyrgyzystanyň hem-de 30-njy iýulda Owganystanyň milli ýygyndylary bilen güýç synanyşar.
Bu halkara ýaryşyndaky çykyşy türkmen ýygyndysy üçin şu ýylyň 7 ― 11-nji oktýabry aralygynda Taýlandda geçiriljek Aziýa Kubogy-2024-iň saýlama tapgyryna taýýarlygy bolar. Saýlama tapgyrynda “A” toparçada çykyş edýän milli ýygyndymyzyň garşydaşlarynyň Taýlandyň, Gonkongyň hem-de Hytaýyň milli ýygydylarydygyny ýatladýarys.
«CAFA Futsal Cup-2023»
1-nji tapgyr
23-nji iýul (ýekşenbe)
Özbegistan – Täjigistan
Gyrgyzystan – Owganystan
Eýran – TÜRKMENISTAN
2-nji tapgyr
24-nji iýul (duşenbe)
Täjigistan – TÜRKMENISTAN
Eýran – Gyrgyzystan
Özbegistan – Owganystan
3-nji tapgyr
26-njy iýul (çarşenbe)
Täjigistan – Gyrgyzystan
TÜRKMENISTAN – Özbegistan
Owganystan – Eýran
4-nji tapgyr
28-nji iýul (anna)
Owganystan – Täjigistan
Gyrgyzystan – TÜRKMENISTAN
Eýran – Özbegistan
5-nji tapgyr
30-njy iýul (ýekşenbe)
Täjigistan – Eýran
TÜRKMENISTAN – Owganystan
Özbegistan – Gyrgyzystan
