Bu barada Türkmenistanyň Halk Maslahatynyň resmi saýtynda habar berilýär. Ozal habar berşimiz ýaly, Türkmenistanyň Prezidentiniň gol çeken Buýrugyna laýyklykda, 2023-nji ýylyň 29-30-njy iýuny aralygynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň ýolbaşçylygyndaky wekiliýet agzalary haj parzynyň däp-dessurlaryny ýerine ýetirmek üçin, Saud Arabystany Patyşalygynyň Mekge şäherinde saparda bolýarlar.
Türkmen zyýaratçylary saparynyň dowamynda bu mukaddes künjekde gurbanlyk sadakasyny bererler, şeýle-de mukaddes ýerlere zyýarat etmek bilen, juma namazyna gatnaşarlar. Gurban baýramy günlerinde mukaddes Käbä tagzym edilip, taryhda birinji gezek wekiliýetiň agzalarynyň gatnaşmagynda sadaka berler.
