5-nji iýunda Tbiliside Ykdysady hyzmatdaşlyk boýunça hökümetara türkmen-gruzin toparynyň ýolbaşçylarynyň duşuşygy geçirildi.

Söhbetdeşligiň dowamynda ikitaraplaýyn gatnaşyklary ýokary derejede alnyp barylýandygy bellenip geçildi we iki ýurduň arasyndaky köpmaksatlaýyn hyzmatdaşlygy mundan beýläk-de ösdürmegiň ugurlary kesgitlenildi.

Toparyň türkmen böleginiň başlygy Türkmenistanyň Söwda we daşary ykdysady aragatnaşyklar ministri Begenç Goçmollaýew we toparyň gruzin bölegine başlyklyk edýän Gruziýanyň wise-premýeri, Ykdysadyýet we durnukly ösüş ministri Lewan Dawitaşwili söwda-ykdysady gatnaşyklary, maýa goýum hyzmatdaşlygyny giňeltmek, ulag-logistika we energetika infrastrukturasyny ösdürmek üçin bilelikdäki taslamalary durmuşa geçirmek boýunça meseleleri ara alyp maslahatlaşdylar.

Şeýle hem, ylym, bilim, sport we syýahatçylyk ugurlarynda mundan beýläkki amaly hyzmatdaşlygyň zerurlygyna üns berildi.