ÝUNESKO-nyň Ýerine ýetiriji geňeşiniň 216-njy mejlisinde agza döwletleriň tekliplerini ÝUNESKO-nyň 2024-2025-nji ýyllarda bu Gurama bilen bilelikde bellenjek seneleri tassyklady. Ara alnyp maslahatlaşmalaryň netijesinde, Ýerine ýetiriji geňeş Baş konferensiýa ÝUNESKO-nyň 46 sany şanly senelerine gatnaşmaga ygtyýar bermegi karar etdi we maslahat berdi. Olaryň arasynda «Magtymguly Pyragynyň doglan gününiň 300 ýyllygy» şanly sene bar.

Türkmenistanyň DIM-niň resmi saýtynda berilýän habara görä, bu sanawa Türkmenistanyň beýleki ýurtlar bilen bilelikde teklip eden we goldaýan aşakdaky teklipleri hem girizilen:

1. Leksikograf we filolog Mahmud al-Kaşgari (Azerbaýjan, Gazagystan, Gyrgyzystan, Türkmenistan, Türkiýe we Özbegistan bilen bilelikde «Diwan lugat at-turk» («Türk şiweleriniň ýygyndysy») (1074) kitabynyň ýazylmagynyň 950 ýyllygy Wengriýanyň, Mawritaniýanyň, Marokkanyň, Kataryň we Täjigistanyň goldawy);

2. Binagär Ajami Nakhiwaniniň doglan gününiň 900 ýyllygy (1125 - XII asyryň ahyry) (Türkiýe we Türkmenistan goldawy bilen Azerbaýjan);

3. Emir Unsura-al-Meali Keýkawus ibn-Iskender ibn-Kabus ibn-Wuşmagiriň (Ermenistan, Täjigistan we Türkmenistan goldawy bilen Eýran Yslam Respublikasy) doglan gününiň 1000 ýyllygy;

4. Şahyr Parwina Etesaminiň (1907 — 1941) işjeň durmuşynyň 100 ýyllygy (Täjigistan we Türkmenistan goldawy bilen Eýran Yslam Respublikasy).

Ozal habar berşimiz ýaly, 24-nji maýda ÝUNESKO-nyň Türkmenistan tarapyndan hödürlenen Magtymguly Pyragynyň golýazmalar ýygyndysynyň «Dünýä ýatlamasy» halkara sanawyna goşandygyny bellemek gerek.