Tizligi ýokarlandyran serhoş sürüji tussag edilmekden gaçyp, ýolagçynyň ornunda oturan itini ruluň başyna geçirdi diýip, «USA today» neşirine salgylanýan «Inform.kz» ýazýar.
Springfild şäherinde ulagy saklan poliseý awtoulagyň içinde bolup geçýän geň hadysanyň şaýady boldy. Serhoş sürüji gapdalynda hiç zada düşünmän, hekgerip oturan köpegini ruluň başyna geçirjek bolup jan edýärdi.
Ol ýanyna gelen poliseýe ulagy özüniň däl-de, itiniň sürüp gelýändigini ynandyrjak boldy. Haçanda, poliseý: «Içgilimiň?» diýip soranda, ol ökje götermek bilen boldy. Emma sürüjä uzaga gaçmak başartmady, onuň yzyndan poliseýler tiz ýetdiler. Oňa ulagy serhoş halda dolandyrandygy, saklananda garşylyk görkezendigi hem-de tizligi ýokarlandyrandygy üçin aýyplama bildirdiler.
It barada aýdylanda, ol tä eýesi tussaglykdan boşaýança sürüjiniň tanşyna berildi.
«Ite hiç hili aýyplama bildirmedik, ony goýberdik» diýip, polisiýa edarasynda degişdiler.
