Ilkinji ýylynyň ilkinji duşyşyklaryny üstünliklere besleýän «Arkadag» futbol topary Türkmenistanyň kubogynyň deslapky tapgyrynyň şu gün Mary şäherinde geçirilen jogap duşuşygynda ýerli «Energetigi» 4:0 hasabynda ýeňip, ýaryşyň çärýek finalyna çykdy. Şunda pökgüleriň soňky üçüsiniň 10 minudyň dowamynda geçirilendigini aýratyn nygtamak gerek.

Şeýlelikde, «Arkadag» futbol topary ýaryşyň deslapky tapgyryndaky garşydaşyny iki duşuşygyň netijesi boýunça 8:0 hasabynda ýeňip, arzyly kuboga uzaýan ýola diýseň uly üstünlik bilen girişdi. Jogap duşuşygyndaky pökgüleriň ilkinjisini 20-nji minutda goragçy Mekan Saparow geçirdi. 82-nji minutda Begenç Akmämmedow «Arkadag» futbol toparynyň peýdasyna hasaby 2:0-a çykardy. Şondan 2 minut soňra hüjümçi Didar Durdyýew sahna çykdy. Ol 90-njy minutda toparynyň dördünji, özüniň şu duşuşykdaky ikinji pökgüsini geçirdi.

«Arkadag» futbol toparynyň ýaryşyň çärýek finalyndaky garşydaşy paýtagtymyzyň «Köpetdag» futbol topary bolar.