Merdan Ataýew suwda ýüzmek boýunça Özbegistanyň açyk çempionatynda 50 metr aralyga arkanlaýyn ýüzmekde kümüş medal gazandy

21:3623.04.2023
0
30578
Merdan Ataýew suwda ýüzmek boýunça Özbegistanyň açyk çempionatynda 50 metr aralyga arkanlaýyn ýüzmekde kümüş medal gazandy
Özbegistan ýüzmek federasiýasynyň resmi web sahypasyndan surat

Türkmenistanly suwda ýüzüji türgen Merdan Ataýew Daşkent şäherinde geçirilen suwda ýüzmek boýunça Özbegistanyň açyk çempionatynda 50 metr aralyga arkanlaýyn ýüzmekde kümüş medala mynasyp boldy. Ol bellenen aralygy 27,28 sekuntda geçdi.

Pellehana ilkinji bolup Özbegistanyň Suw sporty boýunça ýokary ussatlyk sport mekdebiniň wekili Mahmudşoh Kodirow (27,24) geldi. Üçünji orun Özbegistanyň Syrderýa welaýatyna wekilçilik eden Mihail Kleşko (27,40) nesip etdi.

Mundan ozal Merdan Ataýewiň suwda ýüzmek boýunça Özbegistanyň açyk çempionatynda arkanlaýyn ýüzmekde 100 we 200 metr aralyga geçirilen bäsleşiklerde 2 altyn medala eýe çykandygyny habar beripdik.

Teswirler
Teswir ýazmak üçin içeri giriň ýa-da registrasiýa boluň