Bogazyçi uniwersitetiniň howanyň üýtgemegi boýunça gözleg merkeziniň başlygy, türk alymy Levent Kurnaz 2050-nji ýyla çenli Mermer deňziniň derejesiniň şeýle bir ýokarlanyp biljekdigini we Stambulyň birnäçe sebitiniň suwuň aşagynda galmak howpuna abanýandygyny, DHA guramasyna salgylanyp Argumentler we faktlar ýazýar.
25 ýyldan Mermer deňziniň derejesi 50 santimetr ýokarlansa, Kadikoý sebiti we Bosfor kenaryndaky willalary suw basar. Kurnazyň pikiriçe, Dolmabahçe we Çyragan köşklerini we beýleki gadymy ýadygärlikleri suw joşmasyndan halas etmek üçin gorag diwarlaryny gurmak zerurdyr. Suwuň astynda bolmak howpy, Stambulyň deňiz derejesinden bir ýarym metr belentlikde ýerleşýän ähli jaýlaryna abanyp biler.
Mermer deňziniň derejesiniň ýokarlanmagyna buzluklaryň eremegi we dünýä ummanynyň derejesiniň ýokarlanmagy täsir edýär.
