Türkmenistanly hüjümçi Myrat Ýagşyýew Koçgarata şäheriniň «Neftçi» futbol topary bilen Gyrgyzystanyň çempionatynda geçiren ilkinji duşuşygynda ýeňiş gazandy.
1-nji tapgyrda «Ilbirsi» kabul eden «Neftçi» 1:0 hasabynda garşydaşyndan üstün geldi. Duşuşykdaky ýeke-täk pökgini 36-njy minutda Akram Umarow geçirdi.
«Sport.kg» saýty Myrat Ýagşyýewiň ilkinji duşuşygynyň 22-nji minudynda sary duýduryş kartyny alandygyny habar berdi. Duşuşygyň baş emini Alymerdan Baýnazarow boldy.
Täze möwsümiň açylyş tapgyrynda Timur Çaryýewiň «Abdyş-Atasynyň» «Talant» bilen 0:0 hasabynda deňme-deň oýnandygyny habar beripdik.
