Müsür 2028-nji ýylda jahankeşdeleriň 30 millionyny kabul etmäge taýýarlanýar. Bu barada ýurduň turizm ministriniň orunbasary Gada Şalýabi «Al-Hadath Al-Youm» teleýaýlymyna beren interwýusynda habar berdi diýip, «Gazeta.ru» ýazýar.

«Maksat – 2028-nji ýylda jahankeşdeleriň sanyny 30 milliona ýetirmekdir» diýip, Şalýabi belledi. Onuň sözlerine görä, bu görkeziji kem-kemden gazanylar. Şol sanda ýurduň jahankeşdelik pudagyna maýa goýumlaryň artdyrylmagy hem-de awiakompaniýalaryň sanynyň artdyrylmagy göz öňünde tutulýar.