«Energetik-BGU»-nyň türkmenistanly futbolçysy Wepa Jumaýew Belarusyň çempionatynyň 1-nji tapgyrynyň nusgalyk düzümine girmegi başardy. Bu barada Football.by neşiri habar berýär.

Jumaýewiň topary çempionatynyň 1-nji tapgyrynda «Slusk» toparyny 1:0 hasabynda ýeňdi. Duşuşykdaky ýeke-täk pökgini 33-nji minutda Ilýa Grişenko geçirdi. Esasy düzümde meýdana çykan türkmenistanly legioner 90 minutlap oýunda galdy. Bu duşuşyk Wepa Jumaýewiň täze toparynda geçiren ilkinji resmi duşuşygy boldy.

22 ýaşly Jumaýewiň «Energetik-BGU»-a Gomeliň «Lokomotiwinden» geçendigini ýatladýarys.