Malawidäki güýçli suw süýşgüni ýurduň günorta böleginde ýerleşýän obany syryp-süpürdi. «Reuters» habarlar gullugynyň ýazmagyna görä, tebigy hadysa netijesinde 32 adam pida boldy, 18 adam dereksiz ýitdi. Bu barada «Habar 24» ýazýar.
Diri galanlary ýerli mekdebiň jaýyna ýerleşdirdiler. Wideogörnüşlerde suw süýşgüniniň öýleri we binalary ýykyp-ýumurýandygy görünýär.
Şu hepdäniň başynda Malawä «Freddi» tropiki harasaty aralaşdy. Harasat bilen bile güýçli sil gelip, ilatly ýerleri basdy. Tebigy betbagtçylyklara garşy göreş wekilhanasynyň maglumatlaryna görä, Malawide 300-den gowrak adam heläk boldy.
