Erling Holand «Mançester Sitiniň» Çempionlar ligasynda «Leýpsigi» uly hasap bilen ýeňmegine uly goşant goşdy. Ýaryşyň 1/8 finalynda 7:0 hasabynda ýeňiş gazanan «şäherlileriň» 5 goluny norwegiýaly hüjümçi geçirdi.
22 ýaşly Holand duşuşygyň eýýäm birinji ýarymynda üç gezek, ikinji ýarymda ýene iki gezek tapawutlanmagy başardy. Has takygy, 22-nji, 24-nji, 47-nji, 53-nji we 57-nji minutlarda tapawutlanan futbolçy 63-nji minutda başga oýunçy bilen çalşyryldy.
Şeýlelikde, Holand uly futbolda ilkinji gezek penta-trigi amala aşyrdy. Mundan ozal ol «Moldede» we «Borussiýada» bir duşuşykda iki gezek tapawutlanyp görüpdi.
Erlingiň 2019-njy ýylda 20 ýaşa çenli milli ýygyndylaryň arasynda geçirilen dünýä çempionatynda Norwegiýa bilen Gondurasyň arasynda geçirilen we 12:0 hasabynda Norwegiýanyň ýeňşi bilen tamamlanan duşuşykda 9 gezek tapawutlanandygyny hem ýatlamak gerek.
Şeýlelikde, Holand şu möwsümde «Mançester Siti» bilen ähli ýaryşlarda geçiren 36 duşuşygynda 39 gezek tapawutlanyp, ajaýyp netije görkezdi.
