Merkezi Aziýa döwletleriniň Baştutanlarynyň bäşinji konsultatiw duşuşygy şu ýylyň 14-15-nji sentýabrynda Täjigistanyň paýtagty Duşanbe şäherinde geçiriler. Oňa Türkmenistanyň Prezidenti Serdar Berdimuhamedowyň hem gatnaşmagyna garaşylýar. Şeýle-de bu sammit bilen ugurdaşlykda Araly halas etmegiň Halkara gaznasyny esaslandyryjy döwletleriň Baştutanlarynyň nobatdaky mejlisi hem geçiriler. Bu barada Täjigistanyň Energetika we suw serişdeleri ministrligi habar berdi.
Ýeri gelende bellesek, Merkezi Aziýa döwletleriniň Baştutanlarynyň dördünji konsultatiw duşuşygy geçen ýylyň iýulynda Gyrgyzystanyň Çolpon ata şäherinde geçirildi. Şeýle formatdaky gepleşikleriň üçünji duşuşygy bolsa 2021-nji ýylyň 6-njy awgustynda Türkmenistanda, has takygy, «Awaza» milli syýahatçylyk zolagynda guralypdy. Däl bolşy ýaly, şunuň ýaly konsultatiw duşuşyklarda sebitiň ýurtlarynyň Baştutanlary sebitleýin özgertmeler, söwda, ykdysady, medeni we ynsanperwer hyzmatdaşlyk meselelerini ara alyp maslahatlaşýarlar.
