Döwlet hyzmatlarynyň resmi internet portaly otly petekleriniň satuwyna başlady. Bu barada hyzmatlaryň resmi portaly habar berdi.
Indi Türkmenistanyň döwlet hyzmatlarynyň web sahypasyndan we EGOVTM ykjam programmasyndan kassada nobata durmazdan otly petegini onlaýn ýagdaýda satyn alyp bilersiňiz. Häzirki wagtda petekler IOS we Android programmalarynda hem ýerleşdirildi.
Hyzmat «Demirýollary» AGPJ bilen bilelikde işe girizildi. Programmada ähli esasy otly ugurlary boýunça petekler bar.
Ulanyjylar portalyň üsti bilen petekleriň bahalaryny, gatnawyň wagt tertibini görüp bilerler. Petek satyn almak üçin diňe gidýän ýeriňizi ýa-da gelýän ýeriňizi görkeziň we senesini saýlaň. Petekler öz saýlawyňa görä däl-de, programmanyň saýlawyna görä satylýar.
Döwlet hyzmatlarynyň resmi internet portaly internet ulanyjylaryna ýurduň döwlet bölümleriniň işine bagyşlanan saýtlaryň elýeterli katalogyny hödürleýär. Portal türkmen we rus dillerinde elýeterlidir.
